Ստեփան Հովհաննիսյանը դեռ չի մտածում Հայաստանի հավաքականում խաղալու մասին
16 Հունիսի 2023, 09:12
![](https://media.alphanews.am/wp-content/uploads/2023/06/15221657/d2297a2086e5533f01dace2807d406ec.jpg)
Ռուսական «Օրենբուրգի» եզրային հարձակվող Ստեփան Հովհաննիսյանը խոսել է Հայաստանի ազգային հավաքականում ելույթ ունենալու առաջարկի մասին:
«Ես դեռ չեմ մտածում այդ մասին: Հիմա հանգստանում եմ, ավելի ուշ որոշում կկայանացնեմ»,- Հովհաննիսյանի խոսքերը մեջբերում է Metaratings-ը։
Ավելի վաղ հաղորդվում էր, որ մայիսին Հայաստանի ֆուտբոլի ֆեդերացիան կապ է հաստատել Հովհաննիսյանի հետ և Հայաստանի հավաքականում ելույթ ունենալու առաջարկ կատարել:
Հովհաննիսյանն ավարտված մրցաշրջանը վարձավճարով էր անցկացրել «Օրենբուրգում», որի կազմում մասնակցել էր 24 հանդիպման, դարձել երեք գոլի և մեկ գոլային փոխանցման հեղինակ: Մրցաշրջանի ավարտից հետո «Օրենբուրգը» Մոսկվայի «Սպարտակից» ձեռք էր բերել հայ ֆուտբոլիստի տրանսֆերային իրավունքը:
«Օրենբուրգը» Ռուսաստանի Պրեմիեր լիգայի 2022/2023 մրցաշրջանում 46 միավորով գրավել է 7-րդ տեղը: