Ստեփանակերտի պատկերասրահում բացվել է «Քոչարյան» նկարչական ստուդիայի սաների աշխատանքների ցուցահանդեսը
15 Հունիսի 2023, 23:50
Այսօր՝ հունիսի 15-ին, մայրաքաղաքի պատկերասրահում բացվել է «Քոչարյան» արտ ստուդիայի սաների հաշվետու ցուցահանդեսը, որը կրում է «Սովորենք արվեստի գիտությունը և գիտության արվեստը» խորագիրը:
«Արցախպրես»-ի թղթակցի հաղորդմամբ՝ ստուդիայի սաների արդեն երկրորդ տարին կազմակերպվող հաշվետու ցուցահանդեսի բացմանը ներկա էին նաև Արցախի Հանրապետության ԿԳՄՍ նախարար Նորայր Մկրտչյանը, ԱՀ նախագահի խորհրդական Դավիթ Բաբայանը պաշտոնատար այլ անձինք:
Արվեստաբան Լուսինե Գասպարյանը «Քոչարյան» արտ ստուդիան բնութագրել է որպես գեղեցիկը տեսնելու, ընկալելու, ակադեմիական նկարչության դասեր առնելու, սովորելու յուրօրինակ հարթակ:
«Քոչարյան» նկարչական ստուդիայի սաների հաշվետու ցուցահանդեսը Ստեփանակերտի պատկերասրահում բաց կլինի ավելի քան 10 օր:
Հիմա եթերում
