Ստեփանակերտում ամփոփվել են շախմատի հուշամրցաշարի արդյունքները
10 Օգոստոսի 2023, 00:55
![](https://media.alphanews.am/wp-content/uploads/2023/08/09120703/364184387_1006880783999629_296088629860054689_n.jpg)
Ամփոփվել են Շախմատի ֆեդերացիայի նախաձեռնությամբ Արցախյան գոյապայքարի անմահ հերոս Սամվել Սաֆարյանի հիշատակին մեկնարկած շախմատի հուշամրցաշարի արդյունքները։
«Արցախպրես»-ի թղթակցի հետ զրույցում Արցախի Շախմատի ֆեդերացիայի նախագահ Սարգիս Ասատրյանը նշել է, որ մրցապայքարը թեժ է անցել:
«Մրցանակային 1-ին տեղն է զբաղեցրել Կամո Ուլուբաբյանը, 2-րդ տեղում Օլեգ Բաղդասարյանն է, որը մասնակցում էր 60 տարեկանից բարձր տարիքային խմբում, 3-րդ տեղում` Նարեկ Հայրապետյանը։ Մեր երեք ուժեղագույն շախմատիսները հուշամրցաշարի ավարտին ֆեդերացիայի կողմից ստացան պատվոգրեր և դրամական պարգևներ։
Հուշամրցաշարի վերջում կազմակերպվեց նաև բլից հարցաշար՝ ինը խաղափուլով, որին մասնակցեց տասը շախմատիստ։ Այս անգամ մրցանակի համար սահմանել ենք չորս տեղ։ 1-ին տեղում Սարգիս Ասատրյանն էր, 2-րդը` Էդուարդ Ղուկասյանը, 3-րդը՝ Դավիթ Գրիգորյանը, 4-րդ տեղում Գագիկ Գասպարյանն էր։ Պայքարը ծավալվեց հետաքրքիր ընթացքով»,-մանրամասնել է Ասատրյանը։