Ստեփանակերտում շախմատի հուշամրցաշար է մեկնարկել
03 Օգոստոսի 2023, 22:40
![](https://media.alphanews.am/wp-content/uploads/2023/08/03125748/185117.jpg)
Արցախի Հանրապետության Շախմատի ֆեդերացիայի նախաձեռնությամբ Ստեփանակերտի Շախմատի մանկապատանեկան մարզադպրոցում մեկնարկել է շախմատի հուշամրցաշար՝ նվիրված Արցախյան գոյապայքարի անմահ հերոս Սամվել Սաֆարյանի հիշատակին:
«Արցախպրես»-ի թղթակցի հետ զրույցում Արցախի Շախմատի ֆեդերացիայի նախագահ Սարգիս Ասատրյանն ասել է, որ հուշամրցաշարը ֆեդերացիայի կարևոր միջոցառումներից մեկն է, որը ամենամյա բնույթ է կրում։
Մրցաշարի մասնակից Տիգրան Թամրազյանի խոսքով` հինգ տարեկանից սկսած` հետաքրքրված է շախմատով, և այս ընթացքում մասնակցել է բազմաթիվ հուշամրցաշարերի, հանրապետական առաջնությունների ու հաղթանակներ գրանցել։
![Нет описания.](https://scontent.fevn6-6.fna.fbcdn.net/v/t1.15752-9/364175395_659136182936529_3417601491293765985_n.jpg?_nc_cat=100&ccb=1-7&_nc_sid=ae9488&_nc_ohc=UFdnNPl4zIYAX9JOEZl&_nc_ht=scontent.fevn6-6.fna&oh=03_AdS9FMjHHQgDs4yVSwLC-UlXs_Jn5D0GzBIGWRmuc8t4og&oe=64F2CE8A)
«Այս մրցաշարը հնարավորություն է՝ փորձի փոխանակման, բայց նպատակ ունեմ հերթական անգամ հաղթանակ տանել»,- հավելել է Տ. Թամրազյանը։