Տամբովի մարզի դպրոցականները ներկայացրել են Անաստասիա Ղարիբյանի հեղինակային հագուստի հավաքածուն

Մոսկվայի Ժողովրդական տնտեսության նվաճումների ցուցահանդեսում (ВДНХ)-ում դեկտեմբերի 24-ին կայացած «Ռոսիա» ցուցահանդեսում իրենց նվաճումները ներկայացրել են Տամբովի մարզի մունիցիպալ շրջանները:

Ինչպես հայտնում է gazetapichaevo.ru-ն Սամպուրի շրջանի դպրոցականները ներկայացրել են Անաստասիա Ղարիբյանի հեղինակային հագուստի հավաքածուն:

Աղջիկների ներկայացրած տարազներում միահյուսված են ժամանակակից երիտասարդական մոտիվներն ու հին ասեղնագործությունը։ Նման զարդանախշով 19-րդ դարում զարդարել են մանկական հագուստը։

«Տամբովի երկրամաս՝ տաղանդների երկիր» տարածաշրջանային բազմաժանր փառատոնում այս տարի Անաստասիա Ղարիբյանի հավաքածուն արդեն գրավել է առաջին տեղը: