«Տառերի ճախրանքը»․ մետաքսե հայկական թռչնատառեր՝ լիբանանահայ նկարչուհու վրձնով
Shantnews.am-ի փոխանցմամբ՝ Բատիկայի տեխնիկայով՝ մետաքսի վրա ստեղծված հայկական թռչնատառերի կտավների ցուցադրություն է բացվել Գյումրիում։ Հեղինակը լիբանանահայ ստեղծագործող Արմենուհի Սաղդասարյանն է։ Նկարչուհու աշխատանքներում մեկտեղված է մանրանկարչությունն ու զարդարվեստը։
Թռչունների պատկերներով գրության ձևը հանդիպում է միջնադարյան հայկական ձեռագրերում: Այս կերպ էին սկսվում պատմիչների ընթերցվածքները: Հայկական ձեռագրերում իմաստային նշանակությունից բացի, յուրօրինակ գրության այս ձևը արտահայտում էր գրչի կամ ծաղկողի, դպրոցի կամ ժամանակի գեղարվեստական ճաշակը, այն սերտ հարաբերության մեջ էր էջի մյուս բաղադրիչների հետ:
Ժամանակի ընթացքում թռչնագիրը դարձավ արվեստի ուղղություն, նկարիչներն ու արվեստագետներն այն դուրս բերեցին մագաղաթների էջերից։ Թռչնագիրը դարձել է հայկական մշակույթի մի քանի ճյուղերը համակցող, որտեղ առաջնայինը հայկականությունն ու ազգայինն է:
Արմենուհի Սաղդասարյանը թռչնատառերը պատկերում է մետաքսի վրա: Յուրօրինակ այս տեխնիկան կոչվում է բատիկա: Մետաքսե նկարներում վերարտադրում է թռչնատառերն ու դրանք համադրում գունային ներդաշնակությամբ:
Հիմա եթերում
