Թբիլիսիում 110-րդ անգամ նշվել է ավանդական «Վարդատոնը»
21 Մայիսի 2024, 17:00
![](https://media.alphanews.am/wp-content/uploads/2024/05/21113720/vardaton-2.jpg)
110-րդ անգամ Թբիլիսիում նշվել է Վարդատոնը։ Մեյդան թաղամասում տիրել է տոնական տրամադրություն, ամեն տարի նշվող «Վարդատոնը» մայրաքաղաքի բազմազգ բնակչությանը հավաքել էր մեկ հարկի տակ նշելու արդեն ավանդույթ դարձած տոնը՝ պահպանելով հարյուրամյա ավանդույթները։
Ամեն տարի մայիս ամսին, աշխույժ Թբիլիսին դառնում է հայկական մշակույթի և ժառանգության փարոսը, քանի որ այն հյուրընկալում է «Վարդատոնը»՝ նվիրված մեծարգո աշուղ Սայաթ-Նովային:
Jnews.ge-ի փոխանցմամբ՝ մինչ տոնակատարության սկիզբը՝ Սայաթ-Նովայի գերեզմանի մոտ կատարվել է հոգեհանգստյան կարգ: Ներկաները վարդերով, սեր ու ժպիտով զարդարել են անմահ Սայաթ-Նովայի շիրիմը, որին ներկա էին նաև Վրաստանում Հայաստանի դեսպանության ներկայացուցչական անձնակազմը՝ դեսպան Աշոտ Սմբատյանի գլխավորությամբ:
Մասնակիցները, որոնք հանդես են եկել երգ ու պարով, նվագով ու ասմունքով, կրել են հայկական ավանդական տարազներ՝ ստեղծելով գունագեղ տեսարան, որն արտացոլում է հայ ժողովրդի հարուստ մշակութային ժառանգությունը: Բեմը զարդարվել է վարդերով և վարդաթերթիկներով՝ խորհրդանշելով թե՛ փառատոնի անունը, թե՛ Սայաթ-Նովայի պոեզիայի գեղեցկությունը։
![vardaton 9](https://live.staticflickr.com/65535/53731832675_27d50c27c5_c.jpg)
![vardaton 8](https://live.staticflickr.com/65535/53731407576_3a54f385cb_c.jpg)
![vardaton 7](https://live.staticflickr.com/65535/53731608123_75d7062572_c.jpg)
![vardaton 5](https://live.staticflickr.com/65535/53731608153_c8596d6270_c.jpg)
![vardaton 3](https://live.staticflickr.com/65535/53731833680_ec1998a074_c.jpg)
![vardaton 1](https://live.staticflickr.com/65535/53731833685_82c8f83326_c.jpg)
![վարդատոն 2](https://live.staticflickr.com/65535/53731441346_bb85b5afaa_c.jpg)
![vardaton 4](https://live.staticflickr.com/65535/53731833665_2c58abe0f0_c.jpg)