Թբիլիսիում հերթական անգամ կայացել է «Ղափամայի տոնը»
18 Դեկտեմբերի 2023, 18:00
Վիրահայոց թեմի «Հայարտուն» կենտրոնում կիրակնօրյա Սուրբ և Անմահ Պատարագից հետո տեղի է ունեցել հայ ազգային ճաշատեսակներից մեկի՝ ղափամային նվիրված ավանդական տոնը:
Միջոցառումը կազմակերպվել էր Վրաստանի հայ կանանց «Շուշանիկ» միության կողմից՝ Վիրահայոց թեմի հովանավորությամբ և «Հայարտուն» կենտրոնի աջակցությամբ:
Տոնի առթիվ մասնակիցները եկել էին ղափամայով կամ դդմից պատրաստված այլ ճաշատեսակներով։ Ներկաներին հյուրասիրվել է նաև թեյ և տարբեր մուրաբաներ, խմորեղեն և հայկական հալվա:
Միջոցառմանը ներկա էին Վիրահայոց թեմի հոգևորականներ, ուսանողներ և ոչ կառավարական կազմակերպությունների ներկայացուցիչներ և այլք:
Տոնին զուգահեռ անցկացվեց նաև ձեռագործ աշխատանքների ցուցահանդես:
Հիմա եթերում
