Թեհրանը հավատարիմ է Կովկասում անվտանգության և կայունության պահպանմանը. Իրանի արտգործնախարար

Իրանի արտգործնախարարի պաշտոնակատար Ալի Բաղերի Քանին իր՝ հայ գործընկեր Արարատ Միրզոյանի հետ հեռախոսազրույցում նշել է, որ Թեհրանը հավատարիմ է Կովկասում անվտանգության և կայունության պահպանմանը։

Ալի Բաղերի Քանին վերահաստատել է Իրանի հանձնառությունը՝ արդյունավետ դերակատարություն ունենալու կովկասյան տարածաշրջանում երկարաժամկետ անվտանգության և կայունության հաստատման գործում։

Նա հաստատել է Թեհրանի պատրաստակամությունը՝ կյանքի կոչելու Երևանի հետ արդեն իսկ ստորագրված համաձայնագրերը, ինչպես նաև օգնել Լոռու և Տավուշի մարզերում ջրհեղեղներից տուժածներին։