Թեոդոսիայում կբացվի Այվազովսկու պատկերասրահը

Թեոդոսիայում մարտի 14-ին տեղի կունենա ականավոր ծովանկարիչ Հովհաննես Այվազովսկու պատկերասրահի հանդիսավոր բացումը: Այս մասին հայտնում է Ղրիմի հայկական ընկերության տելեգրամյան ալիքը։

Բացմանը կարող են մասնակցել միայն լրատվամիջոցների ներկայացուցիչները։ Իսկ մարտի 15-ից պատկերասրահն իր դռները կբացի բոլորի առաջ։

«Մենք շատ ենք կարոտել մեր թանգարանի ակտիվ աշխատանքը, ուստի սիրով կընդունենք բոլոր հյուրերին», — ասել է թանգարանի տնօրեն Տատյանա Գայդուկը:

Այվազովսկու պատկերասրահը Ղրիմի ամենակարևոր տեսարժան վայրի կարգավիճակը նվաճել է դեռևս անցյալ դարում։ Ամեն տարի աշխարհի տարբեր անկյուններից զբոսաշրջիկների բազմություն էր գալիս այստեղ ՝ իրենց աչքերով տեսնելու ականավոր ծովանկարչի հայտնի ծովանկարները։

Այվազովսկու նորացված պատկերասրահում նաև կբացվի մեծ ցուցասրահը, որը 2007 թվականից վթարային վիճակի պատճառով փակ էր այցելուների համար: