Տիգրան Հախնազարյանի ղեկավարած նվագախումբը կբացի «Ամառային զբոսավայր» համերգաշրջանը

Յուժնո-Սախալինի սիմֆոնիկ նվագախումբը՝ գեղարվեստական ղեկավար և գլխավոր դիրիժոր Տիգրան Հախնազարյանի ղեկավարությամբ,կբացի «Ամառային զբոսավայր» համերգների շարքը։ Բացօթյա համերգները տեղի կունենան Յու. Գագարինի անվան մշակույթի և հանգստի քաղաքային զբոսայգում։

Նոր ծրագիրը հնարավորություն կտա նվագախմբի կատարմամբ լսել աշխարհահռչակ դասականների բազմաթիվ ստեղծագործություններ, ինչպես նաև արդեն սիրված ռուս մեծ դասականների ավանդական երաժշտական գլուխգործոցները: Մասնավորապես, համերգներին կհնչեն մեծ կոմպոզիտորներ Գլինկայի, Չայկովսկու, Ռիմսկի-Կորսակովի, Մուսորգսկու, Պրոկոֆևի, Շոստակովիչի, Խաչատրյանի, Դունաևսկու, Գավրիլինի երաժշտությունը: