Թիվ մեկ տանկիստը՝ նոր սերնդին ճիշտ ուղենիշ․ Կայացել է մարշալ Բաբաջանյանին նվիրված ֆիլմի պրեմիերան

Մոսկովյան Հաղթանակի թանգարանում կայացել է «Տանկիստ № 1» վավերագրական ֆիլմի պրեմիերան։ Ֆիլմը նվիրված է ԽՍՀՄ հերոս, զրահատանկային զորքերի գլխավոր մարշալ Համազասպ Բաբաջանյանին։

Երեք պատերազմ անցած մարշալ Բաբաջանյանը զրահատանկային զորքերի ժամանակակից տեսության հիմնադիրն է։ Պատերազմից հետո, երբ նա գլխավորեց ԽՍՀՄ տանկային զորքերը, նրան սկսեցին անվանել «թիվ մեկ տանկիստ»։

«Տանկիստ № 1» ֆիլմը վավերագրական շարքի թվով 4-րդ ֆիլմն է։ Հայ 5 մարշալների մասին վավերագրական ֆիլմաշար ստեղծելու մտահղացումը և ֆինանսավորումը գործարար Արթուր Սողոմոնյանինն է։

Ֆիլմը ստեղծվել է «Ժառանգություն և առաջընթաց» հիմնադրամի աջակցությամբ և «Պարտներ ֆիլմ» կինոընկերության մասնակցությամբ։