Տոնական համերգ՝ Ստեփանակերտի մանկապարտեզների սաների մասնակցությամբ 

Հունիսի 1-ին՝ Երեխաների պաշտպանության միջազգային օրը, Ստեփանակերտի մշակույթի և երիտասարդության պալատում կայացել է տոնական համերգ՝ մայրաքաղաքի բոլոր մանկապարտեզների սաների մասնակցությամբ։

ԱՀ Կրթության, գիտության, մշակույթի և սպորտի նախարարության նախադպրոցական կրթության բաժնի վարիչ Էլմիրա Հովհաննիսյանը մեզ հետ զրույցում նշել է, որ համերգն ամենամյա բնույթ է կրում․ չի կայացել միայն պատերազմից անմիջապես հետո՝ 2021թ․ հունիսի 1-ին։

«Այս օրը մենք շրջանցել չէինք կարող, որովհետև օրվա խորհրդում ժպտերես երեխաներն են՝ ապագայի հույսով, հավատով լցված»,- նշել է Էլմիրա Հովհաննիսյանը՝ ավելացնելով, որ շրջանների բոլոր մանկապարտեզներում ևս ներմանկապարտեզյան, ներխմբային տոնական միջոցառումներ են կազմակերպվում։