«Թուրքիան հերքում է». Դենիս Դենիսովը Սիրիայում զինյալների հարձակման մասին

Քաղաքագետ, ՌԴ կառավարությանն առընթեր ֆինանսական համալսարանի փորձագետ Դենիս Դենիսովը Alpha News-ի հետ զրույցում մեկնաբանել է Սիրիայում տիրող իրավիճակը։

«Իհարկե, սրանք բոլորը բոցավառվող հրդեհի հետևանքներն են, որն այժմ պատել է ողջ Մերձավոր Արևելքը: Այսինքն՝ դա նշանակում է, որ արաբա-իսրայելական հակամարտությունն ընդլայնվում է՝ դառնալով բազմագործոն ու բազմակողմանի։ Այս պահին արդեն բազմաթիվ վարկածներ կան։ Թուրքիան փաստացի հերքում է այս խմբավորման ընկալումը որպես թուրքամետ՝ ասելով, որ Թուրքիայի համար այն նույնպես ահաբեկչական է։ Բայց ոմանք դեռ խոսում են այդ մասին»,- նշել է Դենիսովը։

Նրա խոսքից պարզ է դառնում, որ անգամ նման մանիպուլյացիաների միջոցով տարածաշրջանի և աշխարհի առանցքային աշխարհաքաղաքական խաղացողները հերթական անգամ փորձում են վերագծել Մերձավոր Արևելքի քարտեզը, այդ թվում՝ Սիրիայի հաշվին։

«Որովհետև մենք գիտենք հավաքական Արևմուտքի դիրքորոշումը Սիրիայի նախագահի և նրա քաղաքական վարչակարգի նկատմամբ։ Բայց կարևոր է նաև նշել, որ որոշ վերլուծաբաններ նույնիսկ դրանում ուկրաինական հետք են տեսնում՝ հայտնելով, որ այս ահաբեկչական խմբավորումները վերջերս հրահանգներ են ստացել ուկրաինացիների կողմից։ Եթե ​​այս վարկածը հաստատվի, ապա կլինի մեկ այլ նոր չափանիշ, ինչը փաստացի նշանակում է, որ Սիրիայում բացվում է ռուս-ուկրաինական դիմակայության հերթական ճակատը»,- եզրափակել է Դենիսովը։