Թուրքիայում արգելել են հայկական պարային անսամբլի մասնակցությունը «Munzur-ի 21-րդ մշակութային և բնության» փառատոնին
02 Օգոստոսի 2023, 01:45
Հայկական «Veradardz Folk» պարային անսամբլը և ևս երկու երաժշտական խումբ չեն մասնակցի Թուրքիայում անկացվելիք «Munzur-ի 21-րդ մշակութային և բնության» փառատոնին:
Նման որոշման մասին հայտնի է դարձել փառատոնի կազմկոմիտեի տարածած հաղորդագրությունից: Թունջելիի նահանգապետարանի հուլիսի28-ի 2023/275 գրառման մեջ նշվել է, որ «Grup Yorum»-ը «Grup İsyan Ateşi»-ը և «Veradardz Folk» խմբերի մասնակցությունը «նպատակահարմար չի համարվել»:
Փառատոնին արգելված մյուս երկու խմբերը քրդական են: Grup Yorum-ը հայտնի է քաղաքական բովանդակությամբ երգացանկով: Այս խմբի մասնակցությունը այլ միջոցառումների, սրանից առաջ, ևս արգելվել է, արգելվել են նաև համերգները, ալբոմները: Խմբի անդամները ձերբակալվել են, բանտարկվել, կտտանքների ենթարկվել:
Group Isyan Ateşi խումբը հայտարարություն է տարածել՝ նշելով. «Ֆաշիզմի ոչ մի ճնշում ու հարձակում չի կարող շղթայել հեղափոխական արվեստը։ Մենք ամենուր պաշտպանելու ենք հեղափոխական արվեստը, այն չի կարելի արգելել»:
Այս խմբի անդամներին հուլիսի 31-ին բերման են ենթարկել, որովհետև հանրային վայրում՝ Դերսիմի հրապարակներից մեկում, կարդում էին ձախակողմյան Partizan թերթը: Այնուհետև նրանց ազատ են արձակել՝ արգելելով բոլոր երեքի մուտքը Դերսիմ քաղաք:
2022-ին ևս խոչընդոտվել էր «Grup Yorum»-ի և «Grup İsyan Ateşi»-ի մասնակցությունը վերոհիշյալ փառատոնին:
Հիմա եթերում
