Տոյվո Կլաարը Բաքվում է. քննարկվել է Հայաստանի ու Ադրբեջանի միջև խաղաղության պայմանագրի հարցը
11 Հոկտեմբերի 2023, 16:34
![](https://media.alphanews.am/wp-content/uploads/2023/10/11155004/652684215d297652684215d2981697023009652684215d295652684215d296.thumb_.jpg)
Հոկտեմբերի 11-ին Ադրբեջանի Հանրապետության արտաքին գործերի նախարար Ջեյհուն Բայրամովն ընդունել է Հարավային Կովկասում Եվրամիության հատուկ ներկայացուցիչ Տոյվո Կլաարին։
Հանդիպման ընթացքում կողմերը մտքեր են փոխանակել Ադրբեջանի և Հայաստանի միջև խաղաղության համաձայնագրի նախագծի հեռանկարների, երկու երկրների միջև հարաբերությունների կարգավորման հարցերի, տարածաշրջանում վերջին իրավիճակի շուրջ։
Բայրամովն ընդգծել է, որ ադրբեջանական կողմը շահագրգռված է միջազգային գործընկերների, այդ թվում՝ ԵՄ-ի միջնորդությամբ անցկացվող խաղաղության օրակարգի հանդիպումների դրական արդյունքով, և որ 30 տարի անց «պատմական հնարավորություն է ստեղծվել տարածաշրջանում խաղաղություն և կայունություն ապահովելու համար»։