Տյումենում ավագ դպրոցի աշակերտներին պատմել են հայ ժողովրդի պատմության և Հայոց ցեղասպանության մասին
27 Փետրվարի 2024, 01:00
![](https://media.alphanews.am/wp-content/uploads/2024/02/26163724/photo_2024-02-26_14-44-46.jpg)
Ռուսաստանի Տյումենի մարզի Իշիմ քաղաքի 7-րդ դպրոցի 10-11-րդ դասարանների աշակերտները հանդիպել են հայկական սփյուռքի ներկայացուցիչ Ֆյոդոր Չորբաջյանի հետ, ով նրանց պատմել է Հայաստանի պատմության և այն խորհրդանիշների մասին, որոնցով այն ճանաչելի է ամբողջ աշխարհում, Արարատ լեռան մասին, որտեղ իր ճանապարհորդությունն ավարտել է Նոյան Տապանը։ Նա խոսել է նաև Հայոց ցեղասպանության մասին:
Նշվում է, որ Իշիմում կանգնեցվել է ռուս և հայ ժողովուրդների դարավոր բարեկամությունը խորհրդանշող հուշարձան, որը պատրաստվել է Հայաստանում, այնուհետև տեղափոխվել քաղաք։
Ամեն տարի Իշիմի այս հուշահամալիրում հիշատակի հավաք է անցկացվում։