Արման Ծառուկյանն ու Չարլզ Օլիվեյրան կմենամարտեն UFC 300-ում
08 Հունվարի 2024, 11:08
UFC-ի բրազիլացի մարզիկ Չարլզ Օլիվեյրան UFC 300 մրցաշարի շրջանակում կմենամարտի խառը մենամարտերի մարզիկ Արման Ծառուկյանի հետ: Այս մասին սոցցանցերում հայտնել է կազմակերպության ղեկավար Դանա Ուայթը:
Նրանք կանցկացնեն երեք ռաունդանոց մենամարտ։ Հաղթողը կհանդիպի թեթև քաշային կարգի չեմպիոն, Ռուսաստանի ներկայացուցիչ Իսլամ Մախաչովի հետ։ Ուայթը հավելել է, որ այս մենամարտը նախատեսված է ամռանը:
UFC 300-ը տեղի կունենա ապրիլի 13-ին Լաս Վեգասում (ԱՄՆ):
Հիշեցնենք, որ Արման Ծառուկյանը վերջին մենամարտն անցկացրել է անցյալ տարվա դեկտեմբերի 3-ին։ Նրա մրցակիցը Բենեյլ Դարիուշն է եղել։ Հայազգի ռուս մարզիկն առաջին ռաունդում նոկաուտի է ենթարկել ամերիկացի մարզիկին։
Հիմա եթերում
