UFC-ի մարտիկ Արմեն Պետրոսյանը պատասխանել է Ռուսաստանին դավաճանելու մեղադրանքներին
26 Հոկտեմբերի 2024, 22:00
UFC-ի միջին քաշային կարգում Արմեն Պետրոսյանն արձագանքել է Շարապուտդին Մահոմեդովի՝ ավելի հայտնի Շարա Բուլետ մականունով, պնդումներին, ում հետ հոկտեմբերի 26-ին Աբու Դաբիում (ԱՄԷ) կմենամարտի UFC 308 մրցաշարում:
Ավելի վաղ Շարա Բուլետը հայտարարել էր, որ Արմեն Պետրոսյանը, չնայած բնակվում է Ռուսաստանում, հանդես է գալիս Հայաստանի դրոշի ներքո:
«Ինձ երկու բառով ասացին, որ նա չի հասկանում, թե ինչու ես չեմ բարձրացնում Ռուսաստանի դրոշը։ Եթե պետք է, կարող եմ պատասխանել՝ հատուկ Շարայի համար: Կարծում եմ, որ նրա ուշադրությունը պետք է կենտրոնանա այլ բանի վրա, այլ ոչ թե այն դրոշի վրա, որը ես բարձրացնում եմ: Ես կարող եմ բարձրացնել ցանկացած դրոշ, նույնիսկ Անտարկտիդայի: Նա պետք է կենտրոնանա ոչ թե դրոշի, այլ այն բանի վրա, թե ինչպես եմ հարվածելու նրան, ինչպես է պետք պաշտպանվել։
Անկեղծ ասած, ես չհասկացա բողոքը: Այո, ես ռուս եմ, մեծացել եմ Ռուսաստանում: Ես սիրում եմ Ռուսաստանը, բայց սիրում եմ նաև Հայաստանը։ Սա էլ իմ երկիրն է: Ես կիսով չափ հայ եմ և կիսով չափ ռուս, մայրս ռուս է։ Ես շատ ռուս ընկերներ ունեմ, ամբողջ կյանքում ռուսերեն եմ խոսում։ Բայց, միևնույն ժամանակ, դա մանկուց իմ երազանքն էր։ Երբ ես փոքր էի, ես և հայրս միշտ դիտում էինք Գեղարդ Մուսասիի մենամարտերը, և դա ինձ մոտիվացնում էր։ Ուզում էի մեծ ասպարեզում բարձրացնել այդ դրոշը։ Չգիտեմ ինչու, բայց հենց հայկական։ Հայաստանն իմ փոքրիկ հայրենիքն է, և ես դրոշ եմ բարձրացնում միայն այն պատճառով, որ ես հայ եմ, հայրս հայ է, և ես ուզում եմ դա անել։ Այդ ամենն անում եմ միայն ինձ ու ընտանիքիս համար»,- Sport24-ի թղթակցի հետ զրույցում ասել է Պետրոսյանը։
Հիմա եթերում
