Վադիմ Հարությունյանն առաջին անգամ հրավիրվել է Հայաստանի երիտասարդական հավաքական

Բելառուսի «Արսենալ» (Ձերժինսկ) ակումբի կիսապաշտպան Վադիմ Հարությունյանն առաջին անգամ հրավիրվել է Հայաստանի երիտասարդական հավաքական: Այս մասին հաղորդում է ակումբի պաշտոնական էջը։ Մ-21 ազգային թիմի հավաքը կանցկացվի նոյեմբերի 10-18-ը։ Այդ ընթացքում հավաքականը կանցկացնի երկու հանդիպում Եվրոպայի առաջնության որակավորման մրցաշարի շրջանակում՝ նոյեմբերի 14-ին Չեռնոգորիայի դեմ, 18-ին՝ Շվեդիայի դեմ։ Երկու խաղերն էլ կկայանան Արմավիրում։

Հարությունյանը Մոսկվայի «Լոկոմոտիվ»-ի սան է։ Արդեն երկրորդ սեզոնն է, ինչ նա հանդես է գալիս վարձավճարով «Արսենալ» Ձերժինսկի կազմում՝ դառնալով թիմի հիմնական խաղացողներից մեկը։ Ընթացիկ մրցաշրջանում 20-ամյա կիսապաշտպանը մասնակցել է 27 հանդիպման, խփել 2 գոլ և կատարել 1 արդյունավետ փոխանցում։

Նախկինում նա հրավիրվել էր Հայաստանի Մ-19 հավաքական, բայց 2023-ից հետո հրավեր չի ստացել։ Բելառուսի առաջնությունում կայուն խաղը կրկին գրավել է մարզիչների ուշադրությունը։

Երիտասարդական հավաքականում Հարությունյանը կփոխարինի Արտյոմ Բանդիկյանին, որը հրավիրվել է ազգային հավաքական։ Չնայած նրան, որ Բանդիկյանը հիմնականում հանդես էր գալիս աջ պաշտպանությունում, իսկ Հարությունյանը՝ կենտրոնական կիսապաշտպանությունում, Վադիմն անհրաժեշտության դեպքում կարող է փակել պաշտպանի դիրքը։

Հարությունյանի ուժեղ կողմերից են ճշգրիտ փոխանցումները և հզոր հեռահար հարվածները։ Անցած մրցաշրջանում նրա հաշվին կար 6 գոլային փոխանցում։ Դեռևս բաց է մնում հարցը՝ մարզիչները որ դիրքերում են նախատեսում օգտագործել Հարությունյանին՝ հաշվի առնելով դաշտի կենտրոնում մրցակցությունը և աջ եզրում թափուր դիրքը։