Վահագն Մելիքյանը՝ ջիու-ջիցուի Ռուսաստանի առաջնության արծաթե մեդալակիր

Ջիու-ջիցուի Ռուսաստանի առաջնությունում Բելոգորսկ քաղաքը ներկայացնող մարզիկ Վահագն Մելիքյանը նվաճել է արծաթե մեդալ։

Ամուրի մարզի սպորտի նախարարության տվյալներով՝ մրցաշարին մասնակցել է ավելի քան 1600 մարզիկ Ռուսաստանի 53 շրջաններից, ինչը ընդգծում է մրցումների լայն մասշտաբն ու բարձր մրցակցային մակարդակը։

Հիշեցնենք, որ հայազգի մեկ այլ մարզիկ՝ Կրասնոդարը ներկայացնող Ալբերտ Փարեմուզյանը, փայլուն արդյունքներ է գրանցել առաջնությունում։ Մինչև 46 կգ քաշային կարգում նա նվաճել է միանգամից երկու մեդալ՝ ոսկե և բրոնզե։