Վալերի Սարկիսովի «Շան սիրտը» ներկայացման պրեմիերան՝ Տաշքենդում

Տաշքենդի արվեստների պալատում այսօր տեղի կունենա ռեժիսոր Վալերի Սարկիսովի «Շան սիրտը» ներկայացման պրեմիերան: Մ. Ա. Բուլգակովի ստեղծագործությունն արդիական է նաև այսօր: Այս դժվարին պահին հեշտ չէ անմիջապես հասկանալ, թե որտեղ է սուտը և որտեղ է ճշմարտությունը: Մեր աչքի առաջ տեղի է ունենում մարդկանց մասնատում, ոտնահարվում են բարոյական օրենքները։ Գենետիկական ինժեներիան ծաղկում է, իրականացվում են վտանգավոր փորձեր։ Եվ, բնականաբար, մարդկությունը ծիծաղելով բաժանվում է իր անցյալից: Այս մասին գրում է «Новости Узбекистана» կայքը:

«Ո՞վ է մեղավոր հիասքանչ շան պատմության մեջ՝ պրոֆեսոր Պրեոբրաժենսկի՞ն, թե՞ հանձնակատար Շվոնդերը: Իսկ ինքը՝ Շարիկը, չար շո՞ւն է, թե՞ փոքր երեխա, որին գաղտնի օգտագործում են և՛ բժշկությունը, և՛ իշխանության ներկայացուցիչները։ Այս և այլ հարցերի պատասխանը կարելի է ստանալ՝ դիտելով ռեժիսոր Վալերի Սարկիսովի բեմադրած հեգնանքով ու հումորով լի ներկայացումը», — նշվում է պրեմիերայի անոնսում։

Իր առաջին ներկայացումը ռեժիսոր Վալերի Սարկիսովը բեմադրել Է Մոսկվայի գեղարվեստական թատրոնում՝ Ա. Ռեմեզի «Ճանապարհ» պիեսի հիման վրա։ 1983 թվականից սկսել է դասավանդել Ռուսաստանի թատերական արվեստի ինստիտուտի ռեժիսորական ֆակուլտետում, որտեղ աշխատում է մինչ օրս: 1989 թվականից ղեկավարում է «Վալերի Սարկիսովի թատերական խումբ» կոլեկտիվը։