Վաղը Հայաստանի հետ պայմանագիր կկնքենք՝ ֆրանսիական զենք տրամադրելու մասին․ Ֆրանսիայի պաշտպանության նախարար
21 Հոկտեմբերի 2023, 23:10
![](https://media.alphanews.am/wp-content/uploads/2023/10/21224815/3851484_1674221758134-jmug210406010.jpg)
Ֆրանսիայի պաշտպանության նախարար Սեբաստիան Լըկորնյուն ասել է, որ Փարիզը և Երևանը կիրակի օրը կկնքեն համաձայնագրեր ֆրանսիական զենք գնելու վերաբերյալ։ Այս մասին հայտնում է «Ռիա Նովոստի»-ն՝ նշելով, որ խոսքը, մասնավորապես, հակաօդային պաշտպանության միջոցների մասին է։
«Հայաստանը պետք է հնարավորություն ունենա պաշտպանել իր քաղաքացիական բնակչությանը և ապահովել իր սահմանների պաշտպանությունը։ Վաղը մենք պաշտոնապես կձևակերպենք Հայաստանի կողմից ֆրանսիական արտադրողներից որոշակի քանակությամբ սպառազինությունների ձեռքբերումը՝ պայմանագիր ստորագրելով, որը թույլ կտա Հայաստանին ապահովել իր օդային տարածքի պաշտպանությունը»,- ասել է Ֆրանսիայի պաշտպանության նախարարը։