Վազգեն Թևանյանը՝ միջազգային վարկանիշային մրցաշարի արծաթե մեդալակիր

Հայաստանի ազատ ոճի ըմբշամարտի հավաքականի անդամ Վազգեն Թևանյանը դարձել է Մուհամեդ Մալո 2025 միջազգային վարկանիշային մրցաշարի արծաթե մեդալակիր: Այս մասին հայտնում է Հայաստանի ըմբշամարտի ֆեդերացիան:

Հայ ըմբիշը մասնակցել է 70 կգ քաշայինների պայքարին և անցկացրել 4 գոտեմարտ՝ հաղթահարելով բուլղարացի, մոլդովացի և վրացի ըմբիշների արգելքը:

Եզրափակչում նա 1:4 հաշվով զիջել է ճապոնացի աշխարհի փոխչեմպիոն Յոշինոսուկեին: