«Վերահաստատվել է հարաբերությունների ամբողջական կարգավորմանը հասնելու պատրաստակամությունը»․ ՀՀ ԱԳՆ-ն՝ Միրզոյան-Ֆիդան հանդիպման մասին
01 Մարտի 2024, 21:16
![](https://media.alphanews.am/wp-content/uploads/2024/03/01201642/%D5%B622.jpg)
Մարտի 1-ին Անթալիայի դիվանագիտական ֆորումի շրջանակներում Հայաստանի Հանրապետության արտաքին գործերի նախարար Արարատ Միրզոյանը հանդիպում է ունեցել Թուրքիայի Հանրապետության արտաքին գործերի նախարար Հաքան Ֆիդանի հետ, հայտնում են ԱԳՆ-ից։
Հաղորդագրությունում նշված է․
« Հանդիպմանը մասնակցել են նաև երկու երկրների միջև հարաբերությունների կարգավորման հարցերով հատուկ ներկայացուցիչները։
Հանդիպման ընթացքում քննարկվել է Հայաստանի և Թուրքիայի միջև հարաբերությունների կարգավորման գործընթացը և վերահաստատվել է հարաբերությունների ամբողջական կարգավորմանը հասնելու պատրաստակամությունը: Մտքեր են փոխանակվել այդ ուղղությամբ հնարավոր կոնկրետ քայլերի շուրջ:
Անդրադարձ է կատարվել նաև միջազգային և տարածաշրջանային հարցերի»:
![](https://www.aysor.am/files/images/%D5%B63(2).jpg)