Վերակողմնորոշումից կշահեն այն շահառուները, որոնք գտնվում են Հարավային Կովկասից դուրս, բայց կտուժի հայ ժողովուրդը. Իգոր Սեմենովսկի

Alpha News-ի ուղիղ եթերում քաղաքագետ, ՌԴ կառավարությանն առընթեր Ֆինանսական համալսարանի Միջազգային և հանրային իրավունքի դեպարտամենտի ավագ դասախոս Իգոր Սեմենովսկին ընդգծել է, որ Հայաստանի իշխանությունների դիրքորոշման մեջ ինչ-որ փարիսեցիություն է նկատվում, որը կարող է լրացուցիչ տառապանքներ առաջացնել ժողովրդի համար:

«Հայաստանի և Բելառուսի դիրքորոշումները համեմատելն իմաստ չունի, Բելառուսը գոնե չի անցնում ՆԱՏՕ-ի չափանիշներին, չի խոսում այն մասին, որ շարունակելու է համագործակցությունը Եվրամիության և ԱՄՆ-ի հետ, Բելառուսը Զելենսկու հետ չի հանդիպում այն հողի վրա, որ անհրաժեշտ է ինչ-որ փոխգործակցություն զարգացնել և այլն։ Պետք է այս պահը վերցնել ոչ թե ստատիկ դիրքում, այլ վերցնել ռուս-հայկական հարաբերությունների ողջ լայնությունը վերջին տարիներին՝ սկսած հավանաբար 2018 թվականից, ավելի ճիշտ՝ այն պահից, երբ իշխանության եկան նոր և արդեն հին իշխանությունները։

2021-2022 թվականներից ի վեր և այս ողջ գործընթացի ընթացքում մենք տեսնում ենք Ռուսաստանի և Հայաստանի հարաբերությունների նվազման հետագիծ անվտանգության քաղաքականության, պաշտպանության քաղաքականության, միջազգային հարաբերությունների քաղաքականության մեջ։ Եվ, հավանաբար, հաջորդ վեկտորը, որը մենք կարող ենք ակնկալել, կլինի Հայաստանի քվեարկությունը ուկրաինամետ բանաձևի օգտին ՄԱԿ-ի Գլխավոր խորհրդի հերթական նիստում։

Այս ամենի մեջ կա մի փարիսեցիական տրամաբանություն, քանի որ նախ և առաջ պետք է նայել քեզ և քո արարքներին։ Երբ երկրի ղեկավարը հայտարարում է արտաքին քաղաքականության դիվերսիֆիկացման թեմայի մասին, իսկ այդ դիվերսիֆիկացիայի տակ գտնվում է ամբողջական վերակողմնորոշումը, ապա պետք չէ գլուխ տալ մյուս հարևաններին։ Պետք է ամեն ինչին նայել կոմպլեքսով և խոստովանել, որ քաղաքականության վեկտորը փոխվել է։ Եվ այդ ժամանակ արդեն հարաբերությունների հետագա կառուցման հարցը դնել ավելի հստակ պրագմատիկ հիմքի վրա, և տեսնել, թե ով կշահի նման վերաբերմունքից։ Ցավոք, օգուտներ են ստանում այն շահառուները, որոնք գտնվում են Հարավային Կովկասից դուրս, իսկ տուժելու է հայ ժողովուրդը հենց բարեկեցության, պաշտպանվածության և անվտանգության հարցում», — ընդգծել է Սեմենովսկին։