Վերանորոգման պատճառով Ռուսական արվեստի թանգարանը միջոցառումները կիրականացնի բացօթյա

Ռուսական արվեստի թանգարանը (պրոֆ. Ա. Աբրահամյանի հավաքածու) ՊՈԱԿ-ը  2023թ. թանգարանային գիշեր միջոցառմանը հանդես կգա  «Չորս նկար, չորս պատում. թանգարանն այցելուին ընդառաջ» ծրագրերով։

«Վերանորագման պատճառով  այս տարի  Ռուսական արվեստի թանգարանը  ընդառաջ կգնա իր այցելուներին և միջոցառումները   կիրականացվեն թանգարանի դիմացի  բացօթյա հատվածում։

«ՉՈՐՍ ՆԿԱՐ, ՉՈՐՍ ՊԱՏՈՒՄ. ԹԱՆԳԱՐԱՆՆ ԱՅՑԵԼՈՒԻՆ ԸՆԴԱՌԱՋ » խորագրի ներքո  կցուցադրվեն  թանգարանի հավաքածուի  չորս գլուխգործոցների  վերատպություններ` իրենց  ուղեկցող կրթական-ինտերակտիվ ծրագրերով և վարպետության դասերով»,- այս մասին հայտնում են թանգարանից։ 

Ինտերակտիվ կրթական ծրագրերը և վարպետության դասերը կընթանան 17:00 -21:00 ։
1. 17:00- «Պավել Կուզնեցով. Սովորում ենք տպագիր գրաֆիկա»,
2. 18:00-«Արիստարխ Լենտուլով. Կուբիզստական պատկերներ»,
3. 19:00- «Ռուս իմպրեսոնիստները և պուանտիլիզմը.վարպետության դաս»,
4. 20:00-«Բ. Գրիգորև.  Մեկ գլուխգործոցի վիրտուալ աշխարհում»  նկարի դիտում VR ակնոցի միջոցով։
Վարպետության դասերի  միջոցով  այցելուները իրենք իսկ ստեղծագործելով   կսովորեն տպագիր գրաֆիկայի, կուբիզմի և պուանտիլիզմի  առանձնահատկությունները իսկ VR ակնոցները նրանց կտեղափոխեն նկարի վիրտուալ տիրույթ։