Վիկտոր Ցոյի տարեդարձը Երևանում կնշվի ռուսական ռոքի ընդգրկուն փառատոնով
22 Հունիսի 2023, 20:15
Ռոք երաժիշտ Վիկտոր Ցոյի մահից շատ տարիներ են անցել, սակայն նրա երկրպագուները շարունակում են երգել Ցոյի երգերը, տարածել դրանք ու նրան նվիրված համերգներով, փառատոններով և այլ միջոցառումներով նշել սիրված արտիստի տարեդարձը:
Հայաստանում Ռուսաստանի գիտության և մշակույթի կենտրոնի նախաձեռնությամբ հունիսի 23-ին Ցոյի ծննդյանը նվիրված ռուսական ռոքի փառատոն կանցկացվի, որը տեղի կունենա Երևանում՝ Սիրահարների այգում:
Փառատոնին Ցոյի հիթերը կկատարեն «Another Story band»-ը, Էվա Ոսկանյանը, «One day Band»-ը, «The Hiwave»-ը, «Ness band»-ը և «Fairwind»-ը:
«The Hiwave» ռոք խմբի վոկալիստ, կիթառահար Արման Սաֆարյանն էլ տեղեկացրել էր, որ իրենց խումբը փառատոնին կկատարի այլ ռուսական ռոք խմբերի քավրներ:
Հիմա եթերում
