Վիրտուոզ-ջութակահար Սամվել Հայրապետյանը Rock Soul խմբի հետ համերգով հանդես կգա Կազանում
28 Մարտի 2024, 18:40
![](https://media.alphanews.am/wp-content/uploads/2024/03/28104816/30f8db22-f498-461f-82c2-781501262d4e.jpg)
Կազանում ապրիլի 23-ին տեղի կունենա վիրտուոզ ջութակահար Սամվել Հայրապետյանի և «Rock Soul» խմբի համերգը, որի ժամանակ նրանց երաժշտությունը կհնչի հազար մոմերի ներքո։ Այս մասին գրում է kzn.afishagoroda.ru-ն։
Ծրագրում ներառված է ջազ, սոուլ, դասական, նեոդասական երաժշտություն։ Համերգի ժամանակ կհնչի նաև հայկական դուդուկ՝ դուդուկահար Վարդան Բալայանի կատարմամբ:
Միջազգային մրցույթների դափնեկիր Սամվել Հայրապետյանը Պրեմիեր կամերային լարային նվագախմբի մենակատարն է, հանդես է գալիս Bellissimo դուետի և Rock-Soul երաժշտական բենդի կազմում:
Սամվել Հայրապետյանը ծնվել է Թուրքմենստանի Մարի քաղաքում, ջութակ նվագել սովորել է 7 տարեկանից՝ Թուրքմենստանի վաստակավոր գործիչ Նիկոլայ Ամիրյանցի մոտ։