Վլադիմիր Եպիսկոպոսյան. նշանավոր հայը
22 Հունվարի 2024, 15:42
![](https://media.alphanews.am/wp-content/uploads/2024/01/22144907/photo_2024-01-21_20-45-39.jpg)
Alpha News-ը շարունակում է ներկայացնել «Ալֆա պերսոնա» շարքը:
Վլադիմիր Առուստամի Եպիսկոպոսյանը ծնվել և մեծացել է Երևանում ՝ մաթեմատիկոսի, տեխնիկական գիտությունների թեկնածուի ընտանիքում։
Արտիստի մայրը տնային տնտեսուհի էր և հրաշալի կարում էր, այդ պատճառով Եպիսկոպոսյանն ու նրա կրտսեր եղբայրը՝ Ռոմանը, միշտ նորաձև էին հագնվում։ Մայրը փորձում էր որդիներին լավ հագցնել՝ անընդհատ նոր զգեստներ հորինելով ։
Դպրոցական տարիներին Վլադիմիրը սպորտով էր զբաղվում։ Նա պրոֆեսիոնալ զբաղվել է բասկետբոլով և նույնիսկ սպորտի վարպետի կոչում ունի։
Ծնողների պնդմամբ Վլադիմիրն ընդունվել է ԵՊՀ իրավաբանական ֆակուլտետ, սակայն ուսման ընթացքում նրա առաջ հեռանկարներ են բացվել կինոյում։
Մի անգամ «Հայֆիլմ»-ի ներկայացուցիչները փողոցում նկատել են մի գեղեցիկ երիտասարդի և նրան հրավիրել կինոփորձերի։ Սկզբում նա դա այդքան էլ լուրջ չի ընդունել, բայց համաձայնվել է։
Ավելի ուշ Եպիսկոպոսյանը խոստովանել է, որ կինոն իրեն առավելագույնս հետաքրքրել է։
Ի դեպ, նշենք, որ իրավաբանի դիպլոմ, այնուամենայնիվ, Եպիսկոպոսյանը ստացել է։