Վլադիմիր Պուտինն ընդունել է Հաքան Ֆիդանին

Ռուսաստանի նախագահ Վլադիմիր Պուտինը Կրեմլում ընդունել է Թուրքիայի արտգործնախարար Հաքան Ֆիդանին՝ Ռուսաստան կատարած աշխատանքային այցի շրջանակներում: Բանակցությունները կարճ են տևել։ Մանրամասներ չեն հաղորդվում։

Քննարկմանը մասնակցել է նաև Ռուսաստանի արտգործնախարար Սերգեյ Լավրովը, հայտնում է Կրեմլի մամուլի ծառայությունը:

Մինչ այդ Ֆիդանը հանդիպել է Վլադիմիր Մեդինսկու հետ, ով Ստամբուլում Ուկրաինայի հետ անցկացվող բանակցություններում ղեկավարում է ռուսական պատվիրակությունը։