Վնուկովոյում տեղի կունենա հայկական պարի համառուսական փառատոն

Մոսկվայի «Վնուկովո» մշակութային կենտրոնը հարթակ կդառնա «Արմեն-ուհի-2025» Համառուսաստանյան հայկական պարերի 3-րդ փառատոնի անցկացման համար: Հանդիսատեսին սպասվում է ֆլեշմոբ, համերգ և մրցանակաբաշխություն Ռուսաստանի տարբեր քաղաքներից ժամանած խմբերի համար:

Ելույթ կունենան հայկական լավագույն պարային համույթները՝ «Արմատ», «Նազանի», «Գալուստյան», «Տաշիր», «Նռանե», «Նժդեհ», ինչպես նաև «Նոյ» հայկական կիրակնօրյա դպրոցի ներկայացուցիչները։ Նրանցից յուրաքանչյուրը ցույց կտա իր պատրաստած համարները:

Հունիսի 7-ին կայանալիք համերգը կմեկնարկի մասշտաբային պարային ֆլեշմոբով, իսկ հիմնական ծրագրում կհնչեն երաժշտական կատարումներ։ Փառատոնի հատուկ հյուրն է Հայաստանի ժողովրդական երգիչ Մավր Մկրտչյանը։

Երեկոն կվարի հայտնի երգչուհի և հաղորդավարուհի Թամարա Հովհաննիսյանը: