Վոլոդյա Մնացականյանը` բռնցքամարտի Ռուսաստանի չեմպիոն

Իրկուտսկում հոկտեմբերի 12-ին ավարտվել են բռնցքամարտի Ռուսաստանի 2024 թվականի առաջնության եզրափակիչ մենամարտերը։ Նոգինսկից բռնցքամարտիկ Վոլոդյա Մնացականյանը 48 կգ քաշային կարգում նվաճել է առաջնության ոսկե մեդալը։

Վոլոդյան անցկացրել է 4 մենամարտ՝ յուրաքանչյուրում հաղթելով միաձայն որոշմամբ։ Եզրափակիչ խաղում նա պարտության է մատնել Պավել Վասիլևին, որը ներկայացնում էր Սախայի Հանրապետությունը (Յակուտիա)։