Վրաստանի նախագահն ու վարչապետը շնորհավորել են հայերին Սուրբ Ծնունդի կապակցությամբ
06 Հունվարի 2024, 20:00
Վրաստանի նախագահ Սալոմե Զուրաբիշվիլին շնորհավորել է հայերին Սուրբ Ծննդյան և Աստվածահայտնության տոնի կապակցությամբ:
«Սուրբ Ծննդյան և Աստվածահայտնության տոնի կապակցությամբ սրտանց շնորհավորում եմ Հայ առաքելական եկեղեցուն և նրա հետևորդներին աշխարհի բոլոր անկյուններում և հատկապես Վրաստանում բնակվող հայազգի մեր հայրենակիցներին», — «Ֆեյսբուք»-ի իր էջում գրել է Վրաստանի նախագահը։
Վրաստանի վարչապետ Իրակլի Ղարիբաշվիլին ևս շնորհավորել է հայերին Սուրբ Ծննդյան տոնի առթիվ։
«Շնորհավորում եմ մեր հայ համաքաղաքացիներին և եղբայրական հայ ժողովրդին՝ Սուրբ Ծննդյան և Ջրօրհնեքի առթիվ։ Թող այս օրը ուրախություն և երջանկություն բերի բոլորին, որոնք հոգով և սրտով նշում են այս մեծ տոնը։ Խաղաղություն և բարօրություն եմ մաղթում բոլորին»,- գրել է Իրակլի Ղարիբաշվիլին։
Հիմա եթերում
