Վյաչեսլավ Համբարձումյան․ հավերժ սիրահարված «Սպարտակին»

Alpha News-ը շարունակում է ներկայացնել «Ալֆա պերսոնա» շարքը:

Հունիսի 22-ը խորհրդային ֆուտբոլի լեգենդ Վյաչեսլավ Համբարձումյանի ծննդյան օրն է:

Վյաչեսլավ Միրանովիչը ծնվել է 1940 թվականին Մոսկվայում, հայկական ընտանիքում։ Նա Մոսկվայի Երիտասարդական ֆուտբոլի դպրոցի սան էր։ Հայտնի է մոսկովյան «Սպարտակ»-ի և ԲԿՄԱ ակումբներում ելույթներով։

1961 թվականին 2 խաղ է անցկացրել ԽՍՀՄ հավաքականի կազմում։ Ժամանակին Համբարձումյանն ընտրություն էր կատարում Սպարտակի և ԲԿՄԱ-ի միջև, սակայն Հոգին կարմիրի և սպիտակի հանդեպ էր, և այդ սերը պահպանվեց մինչև կյանքի վերջ։

Վյաչեսլավ Համբարձումյանն աչքի էր ընկնում խաղի յուրահատուկ ըմբռնումով։ Նա հասկանում էր ֆուտբոլի նրբությունները, հնարում էր հիանալի կոմբինացիաներ և խելացիորեն կառավարում խաղը։ Իզուր չէ, որ կիսապաշտպանը երկու անգամ հայտնվել է ԽՍՀՄ առաջնության 33 լավագույն ֆուտբոլիստների ցուցակում։

Երկար տարիներ Վյաչեսլավ Միրանովիչը նաև Երիտասարդական ֆուտբոլի դպրոցի մարզիչ էր: Ավելի ուշ դարձել Է Տաշքենդի «Պախտակոր» թիմի ղեկավարը։ 1990-1996 թվականներին եղել է «Ռուսաստան» վետերանների թիմի նախագահ և առևտրային տնօրեն, 1999-2007 թվականներին՝ «Մոսկվայի հավաքական թիմ» ֆուտբոլային վետերանների ակումբի նախագահ։