Wildberries-ը Հայաստանում լոգիստիկ կենտրոն կկառուցի

Ռուսական «Wildberries»-ը նախատեսում է Հայաստանում լոգիստիկ կենտրոն կառուցել։

«ԱՌԿԱ» գործակալությանը Wildberries-ի երևանյան մասնաճյուղի հիմնադիր և գործադիր տնօրեն Տատյանա Բակալչուկն է ասել՝ մեկնաբանելով նաև Ռուսաստանի և Հայաստանի միջև առևտրի խնդիրը՝ կապված Վերին Լարսի անցակետի ցածր թողունակության հետ, ինչպես նաև Wildberries-ից առկա առաջարկներն ու լուծումները։

Նրա խոսքով՝ այժմ Վերին Լարսի անցակետում երթուղիներն ավելացել են, և առաքման այլընտրանքային եղանակներ են որոնվում։ Բակալչուկը հիշեցրել է, որ ունեն նաև օդային առաքում, որից շատ հաճախ են օգտվում։

«Մենք պետք է Հայաստանում կառուցենք մեր սեփական լոգիստիկ կենտրոնը, քանի որ դա կբարելավի ապրանքների տեսականին, որոնք առաքվում են ամբողջ երկրում», — ասել է Բակալչուկը: