Իրանը շարունակում է ուշադիր հետևել Կովկասում տեղի ունեցող իրադարձություններին
11 Սեպտեմբերի 2023, 14:34
Իրանի արտգործնախարարության խոսնակ Նասեր Քանանին երկուշաբթի իր ամենշաբաթյա ասուլիսում ասել է, որ Թեհրանը զգայուն է հյուսիսային հարևանների հետ իր ընդհանուր սահմանների անվտանգության նկատմամբ և ընդգծել, որ Իրանի սահմաններն ապահով են, և երկիրը շարունակում է ուշադիր հետևել Կովկասում տեղի ունեցող զարգացումներին։
Այս մասին գրում է իրանական IRNA գործակալությունը։
«Մենք կապի մեջ ենք Հայաստանի և Ադրբեջանի իշխանությունների հետ։ Հայաստանի իշխանություններն իրենց մտահոգությունն են հայտնել Ադրբեջանի կողմից հնարավոր նոր ռազմական բախման կապակցությամբ։ Սակայն Բաքվի իշխանությունները մեզ հաղորդագրություն են ուղարկել, որի բովանդակությունն այն է, որ իրենք մտադիր չեն ռազմական հարձակումներ իրականացնել, իսկ վերջին զորամիավորումները ավանդական ռազմական գործողություն են, որն իրականացվում է ձմռան շեմին, քանի որ տեղաշարժը լեռնային. տարածքները դառնում են բարդ ու շփոթեցնող»,- ասել է Իրանի ԱԳՆ-ի ներկայացուցիչը:
Նա ընդգծել է, որ «Իրանը զգայուն է իր հյուսիսային հարևանների հետ իր ընդհանուր սահմանների անվտանգության նկատմամբ և հաստատում է, որ Իրանի սահմաններն ապահով են, և երկիրը շարունակում է ուշադիր հետևել Կովկասի զարգացումներին»։
Հիմա եթերում
