«XI Շահինյանական ընթերցումներ» գիտաժողով՝ Ռոստովում
09 Նոյեմբերի 2024, 19:34
Դոնի Ռոստովի ռուս-հայկական բարեկամության թանգարանում տեղի է ունեցել «XI Շահինյանական ընթերցումներ» գիտագործնական գիտաժողովի կազմկոմիտեի ամփոփիչ նիստը: Այս մասին հայտնում է թանգարանի տելեգրամյան ալիքը։
Կազմկոմիտեի ղեկավար, բանասիրական գիտությունների թեկնածու, Հարավային դաշնային համալսարանի պրոֆեսոր Գերման Մատվեևը ամփոփել է գիտաժողովի մեկ տարվա աշխատանքները, ինչպես նաև առաջարկել առաջիկա «XII Շահինյանական ընթերցումների» թեմատիկան:
Գիտաժողովի նախապատրաստմանն ու անցկացմանը ակտիվ մասնակցության համար, ինչպես նաև ի նշանավորումն 70-ամյա հոբելյանի, շնորհակալագրով է պարգևատրվել փիլիսոփայական գիտությունների դոկտոր, Հարավային պետական համալսարանի պրոֆեսոր Անատոլի Բելովը: Հանդիպման ավարտին ընթերցումների ակտիվ մասնակիցները ստացել են «XI Շահինյանական ընթերցումներ» նյութերի ժողովածուներ:
Հիմա եթերում
