Խլղաթյան-Կարապետյան զույգն արծաթե մեդալ է նվաճել աշխարհի գավաթում
28 Հունվարի 2024, 17:50
![](https://media.alphanews.am/wp-content/uploads/2024/01/27182559/406111666_875153824403463_8480000169552105325_n.jpg)
Հայաստանի հրաձգության հավաքականի անդամներն առաջին մեդալներն են նվաճել աշխարհի գավաթի խաղարկությունում:
Եգիպտոսի մայրաքաղաք Կահիրեում ընթացող աշխարհի գավաթի խաղարկությունում Հայաստանի հավաքականի ներկայացուցիչներ Բենիկ Խլղաթյանը և Էլմիրա Կարապետյանը 10 մետր ատրճանակ միքս մրցաձևում դուրս էին եկել եզրափակիչ, սակայն դարձել են մրցաշարի արծաթե մեդալակիրներ: Հայ մարզիկները 17:7 հաշվով զիջել են հնդիկներին:
Հայաստանի հավաքականն աշխարհի գավաթի խաղարկության այս փուլում ներկայացել է հետևյալ կազմով` ատրճանակ մրցաձև՝ Բենիկ Խլղաթյան, Գևորգ Մելքոնյան, Էլմիրա Կարապետյան, Նարե Գաբրիելյան: Հրացան մրցաձև՝ Հրաչ Բաբայան: Հավաքականի մարզիչն է Անդրանիկ Այվազյանը: