Խրիստ Էլազյանը՝ «Կենդանի դասականներ» միջազգային մրցույթի դիպլոմակիր

Գեղարքունիքի մարզի Մարտունի համայնքի Ձորագյուղ գյուղի Հայրիկ Ղազարյանի անվան հիմնական դպրոցի աշակերտ Խրիստ Էլազյանը դիպլոմի է արժանացել  «Կենդանի դասականներ» միջազգային մրցույթում։

Ամեն տարի Երևանում Ռուսաստանի գիտության և մշակույթի կենտրոնի կողմից Հայաստանի տարածքում կազմակերպվում և անցկացվում է «Կենդանի դասականներ» խորագրով միջազգային մրցույթը: Այս տարի փառատոնին մասնակցել են շուրջ 2,5 միլիոն երեխաներ՝ աշխարհի 60 երկրներից:

2024 թվականին փառատոնը մեկնարկել է փետրվար ամսից, որին ակտիվորեն մասնակցել են նաև Գեղարքունիքի մարզի դպրոցահասակ շնորհալի աշակերտները:

«Կենդանի դասականներ» միջազգային փառատոնին մասնակցել և «Տեքստի լավագույն ընտրություն» անվանակարգում հաղթող է ճանաչվել Ձորագյուղի Հ. Ղազարյանի անվան հիմնական դպրոցի 5-րդ դասարանի աշակերտ Խրիստ Էլազյանը /ուսուցիչ՝ Քրիստինե Մուրադյան/։  

Փառատոնի կազմկոմիտեի որոշմամբ մայիսի 4-25-ը Խրիստը հրավիրվել է՝ ներկայացնելու Հայաստանի Հանրապետությունը միջազգային եզրափակիչ փուլում, որը տեղի է ունեցել «APTEK» միջազգային մանկական կենտրոնում։

Փառատոնի եզրափակիչ փուլում Խրիստ Էլազյանին շնորհվել է դիպլոմ և մեդալ։