Յակուտիայի արվեստի ազգային թանգարանում կներկայացվեն Այվազովսկու կտավները

Յակուտիայի արվեստի ազգային թանգարանը հունիսին կբացի հայազգի ականավոր ռուս ծովանկարիչ Հովհաննես Այվազովսկու նկարների ցուցահանդեսը: Այս մասին հաղորդում է ՏԱՍՍ-ը:

Ցուցահանդեսում կցուցադրվեն Այվազովսկու 19 կտավ և 19-րդ դարի ռուս այլ ծովանկարիչների 11 աշխատանք:

Ցուցահանդեսի ընթացքում այցելուները կլսեն զարմանալի պատմություն այն մասին, թե ինչպես է Այվազովսկու կտավը հայտնվել Հանրապետության Ազգային արվեստի թանգարանի հավաքածուում:

Ցուցահանդեսը կգործի հունիսի 2-ից սեպտեմբերի 1-ը: