Յանա Եգորյանը՝ սուսերամարտի աշխարհի եռակի չեմպիոն

Հայազգի ռուս սուսերամարտիկ, Օլիմպիական խաղերի կրկնակի չեմպիոն, ՌԴ սպորտի վաստակավոր վարպետ Յանա Եգորյանը ոսկե մեդալ է նվաճել Թբիլիսիում կայացած սուսերամարտի աշխարհի առաջնությունում։

Եզրափակիչում 31-ամյա Եգորյանը 15:11 հաշվով հաղթել է Լեհաստանը ներկայացնող Զուզաննա Ցեսլյարին։ Այս մասին հաղորդել է ՏԱՍՍ-ը:

Մարզուհին հանդես է եկել չեզոք կարգավիճակով՝ առանց Ռուսաստանի պետական խորհրդանիշների, ինչպես պահանջում է միջազգային ֆեդերացիան։ Նրա համար սա աշխարհի առաջնության երրորդ ոսկին է. նախկինում սուսերամարտիկը հաղթել է 2015 և 2019 թվականներին: