Ընտրի՛ր հայի կյանքը, ո՛չ թե նավթը. բողոքի ակցիա՝ Լոնդոնի խորհրդարանի շենքի մոտ
20 Հոկտեմբերի 2023, 17:11
Երեկ և այսօր Լոնդոնի խորհրդարանի շենքի մոտ բողոքի ցույց է տեղի ունեցել՝ ի պաշտպանություն Արցախի և Հայաստանի։
Ակցիայի մասնակիցները իրենց հետ բերել էին պաստառներ՝ «Ալիևը պատերազմական հանցագործ է», «Բրիտանական խորհրդարան, ընտրի՛ր հայի կյանքը, ո՛չ թե նավթը», «Դադարեցրե՛ք աջակցել Ադրբեջանի բռնապետությանը», «Դատապարտե՛ք ներխուժումը ինքնիշխան Հայաստանի Հանրապետություն», «Ազատե՛ք ռազմագերիներին և քաղաքացիական պատանդներին» գրությամբ:
Բողոքի ակցիան տեղի է ունեցել նաև Լոնդոնի Պարկ Լեյնում գտնվող Intercontinental հյուրանոցի մոտ, որտեղ անցկացվում էր Միջազգային էներգետիկ ֆորումը։
«Ամո՛թ ձեզ, բրիտանացի խորհրդարանականնե՛ր», — բողոքի ակցիայի ժամանակ ասել է Արցախի և Հայաստանի աջակից Էիլլիան Ուիլյամսը, որը մասնակցում է բողոքի բոլոր գործողություններին։
Հիմա եթերում
