Յուրիկ Հովհաննիսյանը` Նովոսիբիրսկի մարզային «Սպորտային էլիտա-2024» մրցույթի դափնեկիր
26 Դեկտեմբերի 2024, 15:45
Նովոսիբիրսկում որոշել են 2024 թվականի արդյունքներով տարածաշրջանի լավագույն մարզիկներին: Հայ կարատեիստ Յուրիկ Հովհաննիսյանը լավագույնն է ճանաչվել «Ոչ օլիմպիական մարզաձևերի տարվա լավագույն մարզիկ» անվանակարգում:
Չեմպիոններին և նրանց մարզիչներին պարգևատրել են «Սպորտային էլիտա» մարզային մրցույթի շրջանակներում: Հանդիսավոր արարողությունը տեղի է ունեցել Առնոլդ Կացի անվան համերգասրահի բեմում:
Հովհաննիսյանը կարողացել է ճանաչում ձեռք բերել ոչ միայն Ռուսաստանում, այլև նրա սահմաններից դուրս: 2024 թվականի օգոստոսին Մոսկվայում կայացած կարատեի Ռուսաստանի առաջնությունում Հովհաննիսյանը չեմպիոն է դարձել մինչև 67 կգ քաշային կարգում: Կիսաեզրափակչում նա հանդիպել է Ռուսաստանի՝ 2023 թվականի չեմպիոն Ահմեդ Ահմեդովի հետ և համառ պայքարում հաղթել է 1:0 հաշվով: Նոյեմբերին «Մոսկվա — կարատեի տիեզերք» միջազգային մրցումներում Հովհաննիսյանը արծաթե մեդալ է նվաճել 67 կգ քաշային կարգում:
Հիմա եթերում
