Զարմանալի ճակատագրի տեր մարդ. այսօր լրանում է ռեժիսոր Սերգեյ Միքայելյանի ծննդյան 100-ամյակը
01 Նոյեմբերի 2023, 19:19
![](https://media.alphanews.am/wp-content/uploads/2023/11/01165204/%D5%8D%D5%A5%D6%80%D5%A3%D5%A5%D5%B5_%D5%84%D5%AB%D6%84%D5%A1%D5%B5%D5%A5%D5%AC%D5%B5%D5%A1%D5%B6_%D5%BC%D5%A5%D5%AA%D5%AB%D5%BD%D5%B8%D6%80.jpg)
Alpha News-ը շարունակում է ներկայացնել «Ալֆա պերսոնա» շարքը:
Սերգեյ Միքայելյանն իր ընկերներին ու գործընկերներին ասել է, որ ինքը կինոյում պատահական կերպար է։ Սակայն այսօր անհնար է պատկերացնել սովետական կինոն առանց նրա՝ «Կիսով չափ սիրով», «Գրոսմայստեր», «Մրցանակ», «Այրիները», «Սիրահարված սեփական ցանկությամբ» և մի շարք այլ ֆիլմերի:
Ժողովրդական արտիստ և ՀԽՍՀ վաստակավոր արտիստ Սերգեյ Միքայելյանը, որ այսօր դառնում է 100 տարեկան, զարմանալի ճակատագրի տեր մարդ է։
Միքայելյանը ծնվել է 1923 թվականի նոյեմբերի 1-ին Մոսկվայում։ Մասնակցել է Երկրորդ համաշխարհային պատերազմին, վիրավորվել Ռժևի ճակատամարտում։ 1951 թվականին ավարտել է Մոսկվայի Ա․ Լունաչարսկու անվան Թատերական արվեստի պետական ինստիտուտի ռեժիսուրայի ֆակուլտետը՝ Բորիս Զախավայի, Մարիա Կնեբելի և Ա․ Պոպովի արվեստանոցը։ 1959 թվականին հաճախել է Մոսֆիլմին կից ռեժիսուրայի դասընթացները։
Ներկայացումներ է բեմադրել Սարատովի, Գորկու թատրոններում, 1954-1956 թվականներին եղել է Տաշքենդի Մ․ Գորկու անվան ռուսական թատրոնի գլխավոր ռեժիսորը։
1956 թվականից Լենֆիլմ, 1959-1961 թվականներին՝ Մ․ Գորկու անվան կինոստուդիաների ռեժիսորն է եղել։ 1989 թվականին դարձել է Պետրոպոլ ստուդիայի գեղարվեստական ղեկավարը։ Նրա ֆիլմերում նկարահանվել են հայտնի դերասաններ Անդրեյ Մյախկովը, Օլեգ Յանկովսկին, Եվգենի Լեոնովը և այլք:
![](https://media.alphanews.am/wp-content/uploads/2023/11/01165205/photo_2023-11-01_11-31-18-1024x1024.jpg)