Զելենսկին և Փաշինյանը նույն կուրատորն ունեն. Ասլան Ռուբաև

Alpha News-ի ուղիղ եթերում Եվրասիական հետազոտությունների հարցերով փորձագետ Ասլան Ռուբաևը հայտարարել է, որ և՛ Զելենսկին, և՛ Փաշինյանը որևէ գործողություն չեն կատարում առանց ԿՀՎ-ի և Սպիտակ տան ցուցումների, և պատերազմի և խաղաղության, Ռուսաստանի հետ երկխոսության մասին որոշումներ կայացնելիս Փաշինյանը խորհրդակցում է իր տերերի հետ։

Ասլան Ռուբաևը մեկնաբանել է հայ և ուկրաինացի բարձրաստիճան պաշտոնյաների այցերն ու հանդիպումները, որոնք, ըստ ԶԼՄ-ների, միտված են երկկողմ հարաբերությունների զարգացմանը և համագործակցության հեռանկարներին:

«Ես այդպես կպատասխանեի, ուշադրություն դարձրեք, որ Զելենսկին և Փաշինյանը նույն կուրատորն ունեն, նույն մարդը, ով նրանց համար ուսումնական նյութեր է գրում, և մեկ ուրիշը կասկածում է Փաշինյանի կամ Զելենսկու ինքնիշխանությանը։ Նախագահ Զելենսկին ձեռքը մեկնած ամբողջ աշխարհում փող է մուրում։ Հասկացեք, առանց ԿՀՎ-ի և Սպիտակ տան ցուցումների նա ոչ մի որոշում չի կայացնում, նույնն անում է նաև Փաշինյանը։ Պատերազմի և խաղաղության, Ռուսաստանի հետ երկխոսության մասին որոշումներ կայացնելիս Փաշինյանը խորհրդակցում է իր տերերի հետ, իսկ Ուկրաինայի հետ շփումները նույնպես դրա մի մասն են։

Այժմ նրանք ստեղծում են ռուսատյացության այնպիսի որոշակի հետագիծ, այնպիսի ռուսատյաց գոտի ողջ հետխորհրդային տարածքում, որտեղ կցվելու են նեղացված երկրները։ Ահա այստեղ է Զելենսկին, այստեղ է Հայաստանը Փաշինյանի հետ։ Նրանք ցանկանում են նման օղակ ստեղծել ռուսատյացներից՝ Ռուսաստանի հետ սահմանի ողջ երկայնքով, բայց դա ինձ ընդհանրապես չի զարմացնում։

Մենք արդեն լսել ենք այն մասին, որ, ցավոք, Ֆրանսիայի ռազմակայաններում պատրաստում և ձևավորում են որոշ գնդեր Ուկրաինայի տարածքում պատերազմի համար, գնդեր, որոնց կազմում կընդգրկվեն էթնիկ հայեր, որոնք պատրաստ են կռվել Ուկրաինայի շահերի համար։ Չէ որ դա Արևմուտքի համար տեղեկատվական մեծ հաղթանակ կլինի, եթե նրանք ցույց տան, թե՝ տեսեք, Ուկրաինայի տարածքում և Ուկրաինայի համար կռվում է Հայաստանը։

Չնայած ես վստահ եմ, որ նրանք մի կաթիլ կլինեն ծովում, նրանք կլինեն վարձկաններ, ովքեր ցանկանում են գումար վաստակել:

Փաշինյանը դա անում է ոչ թե Ուկրաինայի հանդեպ սիրուց դրդված, այլ Ռուսաստանին զայրացնելու համար, դա հասկանալի է։ Նա նույնիսկ կարող է դաշնակցային հարաբերություններ կնքել Ուկրաինայի հետ և նույնիսկ կխոսի ներդրումների մասին։ Այստեղ ակնհայտ երևում է վարքի նմանությունը, և թե ինչպես են երկու կողմերն էլ տուժել իրենց բոլորովին հիմար արտաքին քաղաքականությունից։ Սա զուտ հակառուսական ժեստ է, միանգամայն նման սցենար էր Ուկրաինայի հետ, երբ նա ուղղություն վերցրեց դեպի արևմուտք, բայց նա հայտնվեց ավերակների մեջ, Փաշինյանը ուղղություն վերցրեց դեպի արևմուտք, այն ավերակների մեջ է։ Նրանց գրում են նույն ձեռնարկները, նույն սցենարը, ես նույնիսկ իմաստ չեմ տեսնում շարունակել այդ երկխոսությունը», — ընդգծել է Ասլան Ռուբաեւը։