Վրաստանի իշխանությունների դիրքերն ավելի ուժեղ են, քան ընդդիմության հնարավորությունները. Կոնստանտին Տասից

Ռուս քաղաքագետ, Հարավային Կովկասի հարցերով փորձագետ Կոնստանտին Տասիցը Alpha News-ի հետ զրույցում մեկնաբանել է իրավիճակը Վրաստանում:

«Մենք տեսնում ենք՝ չնայած նրան, որ «Վրացական երազանք»-ն ընտրություններում իր համոզիչ հաղթանակն է տարել, ընդդիմությունը չի հաշտվել և փորձում է քաղաքացիական անհնազանդության ակցիայի միջոցով ինչ-որ կերպ ճնշում գործադրել իշխանության վրա և հասնել նոր վերընտրությունների կամ պարզապես իշխանության հեռացմանը։ Այսպիսով, նրանք վրաններ են դնում՝ փորձելով ինչ-որ փողոցային ակցիաներ, հանրահավաքներ կազմակերպել և այլն։ Բայց մենք տեսնում ենք, որ մինչ այժմ այն չի հավաքել բնակչության զգալի զանգվածին: Այնտեղ հանրահավաքների մասնակիցների միջին թիվը մասշտաբներով չի աճում, կանգ է առնում միջին մակարդակի վրա։ Եվ նման անօրինական գործողություններին մասնակցում է բնակչության նվազագույն զանգվածը: Ուժային կառույցներն առայժմ վերահսկում են իրավիճակը», — ասել է Տասիցը։

Փորձագետի կարծիքով՝ իշխանության դիրքերն ավելի նախընտրելի են, նրանք վերահսկում են ներքաղաքական իրավիճակը:

«Իրավիճակի հետագա հեռանկարները մեծապես կախված են Արևմուտքի արձագանքից, թե արդյոք Արևմուտքն ինչ-որ ուժեղ ճնշում կգործադրի «Վրացական երազանք»-ի նկատմամբ, քանի որ անմիջականորեն ընդդիմության ուժերը բավարար չեն։ Դա կախված է նաև այս ընտրությունների վերաբերյալ ԵԱՀԿ միջազգային դիտորդական առաքելության վերջնական գնահատականներից։ Եթե այս զեկույցն ընդհանուր առմամբ բարեհաճ լինի «Վրացական երազանք»-ի համար, ապա այլևս ոչ մի կասկած, որ ընտրություններն արդար են անցել, չի լինի։ Եվ ընդհանուր առմամբ, քանի դեռ իշխանության դիրքերն ավելի նախընտրելի են թվում, նրանք պահպանում են վերահսկողությունը ներքաղաքական իրավիճակի նկատմամբ։ Իշխանության դիրքերն ավելի ուժեղ են, քան ընդդիմության հնարավորությունները։ Նրանք ընդհանուր առմամբ վերահսկում են իրավիճակը Հանրապետությունում», — եզրափակել է Տասիցը։