Արտյոմ Օհանովը «Uspex» մեթոդով կկազմակերպի առցանց դպրոց
26 Նոյեմբերի 2024, 19:15
Ռուս բյուրեղագետ-տեսաբան, Ռուսաստանի գիտությունների ակադեմիայի պրոֆեսոր Արտյոմ Օհանովը հայտնել է, որ տարբեր երկրների գործընկերների հետ համագործակցելով՝ գիտական հոդված է գրել և օրերս կազմակերպելու են «Uspex» մեթոդով առցանց դպրոց:
«Մինչ խենթ մարդիկ ջղաձգվում են մի շարք երկրների հանդեպ ատելությունից, ես իրանցի, լեհ, նորվեգացի և ռուս գործընկերների հետ հիանալի գիտական հոդված գրեցի։ Արդեն օրերս «Uspex» մեթոդով անցկացնելու ենք առցանց դպրոց։ Այս դպրոցում գրանցվել է գրեթե 800 մարդ՝ Ռուսաստանից և Ուկրաինայից, ԱՄՆ-ից և Չինաստանից, Իրանից և Իսրայելից և, ընդհանուր առմամբ, գրեթե բոլոր երկրներից, որտեղ կա գիտություն: Մենք սիրում ենք բոլորին: Մենք շարունակելու ենք միավորել աշխարհը։ Իսկ ագրեսիվ խելագարները վաղ թե ուշ իրենց տեղը կգտնեն հատուկ վայրերում», — գրել է Օհանովը։
Հիմա եթերում
