«Անուշ» օպերան կներկայացվի արտիստական բացառիկ կազմով
21 Հունիսի 2023, 09:20
Արմեն Տիգրանյանի «Անուշ» օպերան հայ ժողովրդական երաժշտական լեզվով գրված առաջին լիավարտ օպերան է, որ ազգային օպերային գրականության մեջ ստեղծեց նոր ոճական ուղղություն։ Վերջինս շուրջ 88 տարի է ներկայացվում է Ա. Սպենդիարյանի անվան օպերայի և բալետի ազգային ակադեմիական թատրոնում:
Օպերայի և բալետի ազգային ակադեմիական թատրոնից հայտնում են, որ հունիսի 24-ին «Անուշ» օպերան կներկայացվի բացառիկ արտիստական կազմով՝ Անուշի դերերգով հանդես կգա Հասմիկ Թորոսյանը, Սարոյին վարպետորեն կմարմնավորի ՀՀ վաստակավոր արտիստ Լիպարիտ Ավետիսյանը, Մոսիին՝ ՀՀ վաստակավոր արտիստ Գևորգ Հակոբյանը:
Արմեն Տիգրանյանի «Անուշ» օպերան հայ ժողովրդի մշտական ուղեկիցն է, մեր ժամանակակիցը, պատմության վկան: Օպերան մշտապես ընդգրկված է Ա. Սպենդիարյանի անվան օպերայի և բալետի ազգային ակադեմիական թատրոնի խաղացանկում և ամեն անգամ մեծ ոգևորությամբ ընդունվում է հանդիսատեսի կողմից։
Հիմա եթերում
