«Ոչ մի ողջամիտ մարդ դրան չի գնալու». Քոչարյանը՝ Փաշինյանի հետ բանավիճելու մասին
07 Հոկտեմբերի 2025, 13:25
«Ընդդիմության համար կոնկրետ Փաշինյանի հետ բանավիճելը որոշակի տոքսիկ գործոն ունի», — ասել է ՀՀ երկրորդ նախագահ Ռոբերտ Քոչարյանը՝ պատասխանելով 24news-ի լրագրողի հարցին, թե ինչու նա չի համաձայնում բանավիճել Նիկոլ Փաշինյանի հետ։
«Բանավեճի վերաբերյալ, կարծում եմ, իմ գրասենյակի ղեկավարը արդեն շատ հստակ արտահայտվել է։ Իրապես ավելացնելու բան չունեմ։ Բայց հիշո՞ւմ եք, թե ինչից է սկսվել այդ թեման։ Բանավեճի առարկան եղել է հետևյալը՝ Ղարաբաղը 1991 թվականից հանձնվա՞ծ էր, թե՞ ոչ։ Դուք կարծում եք, որ որևէ մեկը առանց համապատասխան փաստաթղթերի պատրաստ է նստել և բանավիճել այդ հարցի շուրջ։ Հիմա նստենք ու բանավիճենք՝ երկրագունդը կլոր է, թե ոչ։ Դուք պատրա՞ստ եք։ Ես, օրինակ, պատրաստ չեմ։
Ընդհանրապես, կան մարդիկ, որոնց հետ բանավիճելը դառնում է տոքսիկ։ Տվյալ դեպքում ընդդիմության համար կոնկրետ Փաշինյանի հետ բանավիճելը հենց այդպիսի տոքսիկ գործոն է։ Իսկ ձեր նշած բանավեճի օրակարգը պարզապես աբսուրդ է։ Ոչ մի ողջամիտ մարդ դրան չի գնալու։ Եվ հենց այդ պատճառով էլ երեք նախագահներն արձագանքել են համապատասխան ձևով», — ընդգծել է Քոչարյանը։
Հիմա եթերում
